DUPLEX presenta
Temos o pracer de comunicarvos que a directora Nuria Giménez Lorang estará connosco o vindeiro sábado 19 de decembro ás 18:00 para presentar o seu filme My Mexican Bretzel. As entradas xa están á venda na nosa web.
Este importante recoñecemento homologa a programación de DUPLEX Cinema cos criterios de calidade e diversidade na difusión de cinema europeo, que comparten máis de 1.200 locais repartidos en 43 países e máis de 700 cidades de todo o mundo.
Petís DUPLEX
A sección Petís DUPLEX, destinada aos máis pequenos da casa, terá sesións matinais cada domingo desde o 15 de novembro. Serán ás 11:30 horas. Recordámosvos que estes pases teñen un prezo de 4 euros para os menores de 13 anos. Presentamos a programación para os dous meses vindeiros, que combina clásicos con filmes recentes de animación de gran calidade.
PROMIO, nova rede de cinemas independentes, preséntase mañá no seo do Festival de Cine Europeo de Sevilla, con Ramiro Ledo, xerente de DUPLEX Cinema, na presidencia.
DUPLEX presenta
O realizador Luis López Carrasco presenta o vindeiro domingo 22 de novembro ás 17:30 o seu filme El año del descubrimiento, sobre a reconversión industrial de Cartaxena a inicios dos noventa. Acompañarao o histórico sindicalista Rafael PIllado, quen se encargará de conducir o debate co director ao termo do filme.
Será este domingo ás 19:45, para celebrar o Día Internacional do Cinema Europeo. Gustave Kevern, un dos directores desta comedia franco-belga, intervirá telematicamente ao inicio da proxección para presentar a fita.
DUPLEX presenta
Este mércores ás 19:30 visítannos os produtores Diyar Hesso e Alba Sotorra para presentar Pola liberdade, filme kurdo que narra a resistencia deste pobo na guerra de Siria e que foi rodado cos protagonistas reais do conflito armado.
DUPLEX presenta
O vindeiro 28 de outubro ás 19:45 contamos coa presenza de Lois Patiño para a preestrea do seu filme Lúa vermella. Patiño estará en DUPLEX Cinema para presentar a fita días antes da súa estrea comercial en salas.