É 1985, Vincent, a piques de cumprir trece anos, vive nun suburbio parisiense de clase media cun irmán maior distante e uns pais en constante conflito. Xa non é tan neno, pero tampouco un adulto. A historia segue a Vincent nesta particular etapa da súa vida, descubrindo os seus pensamentos e dúbidas sobre a identidade, a amizade, a familia, a relixión, o desexo e os primeiros indicios do amor. Unha comedia dramática sobre un momento da infancia no que a esperanza de cambiar o mundo non era "só unha ilusión".