Outubro, 1936. O franquismo abre campos de concentración por todo o territorio. Empregan conventos, fábricas, escolas, prazas de touros, mosteiros... San Simón destaca pola súa insularidade. O réxime converte o antigo lazareto nun lugar de morte onde os prisioneiros sofren a represión rodeados dunha beleza abrumadora. Sete anos despois, Lamas recorda a historia dos homes e as mulleres que, como el mesmo, sufriron a represión nesta pequena illa da costa galega.

Miguel Ángel Delgado debuta na longametraxe recuperando a memoria dos encarcerados na illa galega, nun fime que combina os actores profesionais coa participación de fillos e netos reais dos presos de San Simón. O traballo de montaxe correu a cargo do noso socio Marcos Flórez dentro do Laboratorio NUMAX, onde tamén se levou a cabo a coordinación de postprodución e masterización do filme así como o deseño dos títulos de crédito.