En 1811, Mary Anning, unha nena de doce anos curiosa e vital, pasa os días explorando a beira do mar en busca de fósiles, esas estrañas pedras doutro tempo. O seu pai transmitiulle esa paixón. Pero todo cambia cando morre de forma inesperada, deixando un misterioso debuxo e unha familia nunha situación moi difícil. Decidida a axudar á súa nai e ao seu irmán para superar esta situación, Mary tenta tamén descifrar o segredo do debuxo. Polo camiño, descubrirá moito máis que fósiles: amizades inesperadas, aventuras inesquecibles e os primeiros capítulos da historia da paleontoloxía.