1983. O novo goberno francés convoca o maior concurso de arquitectura. Cobizado polos grandes estudos, o gañador é, sorprendentemente, un absoluto descoñecido: Johan Otto von Spreckelsen, un profesor de arquitectura danés que ata entón só construíra a súa casa e tres pequenas capelas. De golpe, vese á fronte dun proxecto colosal: a construción do Arco da Defensa de París. “Spreck” non tardará en descubrir que, para preservar a súa visión, terá que enfrontarse ao xogo político. Comeza entón o verdadeiro pulso entre a arte e o poder.